مع الارتفاعات الكبيرة فى أسعار الموبايلات الجديدة ، أصبح فيه اتجاهات وبعد لشراء هاتف مستعمل ويعتبر هو الحل الذكى والوحيد للكثيرين ، ولكن فيه كواليس كثيرة وراء شراء الهواتف المستعملة وفيه عيوب خطيرة يختبئ فى الظاهر ثم يظهر ويجعلك تندم لاحقا وتقعد تسأل في نفسك أسئلة : هل الموبايل راح للصيانة قبل كده ؟ هل البطارية متهالكة ؟ ليه الشاشة إضاءتها ضعيفة ؟ وأسئلة كتيرة تقعد تسأل فيها ، لكن فى المقالة دى ساعرفك بالتفصيل الممل من خلال الخبرة الطويلة فى سوق الموبايلات المستعملة الروشتة الكاملة لفحص الموبايل من الداخل والخارج علشان تشترى الموبايل وأنت مطمئن إن شاء الله ميحصلش لهاتفك أى حاجة بعد مرور وقت من الزمن وكله ده شراء موبايل مستعمل .
1. الفحص الخارجى للموبايل
أول حاجة يقع عليها أى مستخدم لشراء موبايل مستعمل عينه تقع على شكل الموبايل من الخارج بيتم فحص كل اتجاهات الموبايل زى المسامير الموجودة جنب منفذ الشاحن هل سليم ولا لا فيها خدش ولا لا ، وهل ظهر الموبايل فيها خدوش ولا لا و هل خدوش أو كسر كبير فى الشاشة أو الكاميرا مهم جدا لازم تفحص كل دول علشان تتأكد أن الموبايل سليم خارجيا 100% واتأكد من أن الشاشة تحت إضاءة قوية وتأكد من عدم وجود بقع صفراء أو أى لون أو أى ظلال ده أهم حاجة قبل شراء موبايل مستعمل .
2. أكواد الفحص السرية
هنا بقى لازم تعرف حاجة مهمة الأكواد دى الفحص الداخلى للموبايل علشان تعرف كل حاجة بالظبط عن الموبايل قبل شراء موبايل مستعمل من اختبار الألوان واللمس والسماعات وغيرها و هنا قائمة مفصلة فيها اسم شركات المحمول والكود الخاص بها ووصف الكود
| اسم شركة المحمول | الكود | وصف الكود |
| سامسونج ( Samsung ) | #*0#* | الكود ده بيعمل عملية فتح قائمة اختبار كاملة وتقدر من خلالها اختبار ( الألوان للبحث عن بكسلات ميتة والهزاز والكاميرا الأمامية والخلفية والحساسات والسماعات واللمس |
| سامسونج ( Samsung ) | #0228#* | ده كود للبطارية وبيعرفك حالة البطارية الحقيقية والجهد بدقة مما يكشف لو البطارية متهالكة ولا لا |
| شاومي ( Xiaomi ) | *#*#6484#*#* | ده كود بيفتح قائمة اختبار هندسية وهنا شاومي تدقق فى كل شئ حتى جودة الصوت والحساس اللى بيغلق الشاشة أثناء المكالمة |
| شاومي ( Xiaomi ) | *#*#4636#*#* | ده كود معلومات الهاتف بيعرفك معلومات دقيقة عن قوة الشبكة والواى فاى وتفاصيل الاستخدام |
| اوبو ( Oppo ) و ريلمي ( Realme ) وفيفو ( Vivo ) | #899#* | ده كود يدخلك إلى الإعدادات العامة ، ويمكنك اختبار جودة الشاشة واللمس والكاميرات بشكل يدوى ومنفصل |
| انفينيكس Infinix | #90#* | ده كود سحرى فى معظم الهواتف بيفتح قائمة اختبار عامة وتمر على اختبار الألوان والهزاز والسماعات والكاميرات والفلاش |
هناك أكواد عامة وموحدة لجميع شركات المحمول وعالمي هو ( #06#* ) وده بقا تخلى بالك لأنه ده بيعرفك على حاجة مهمة لو الرقم مكتوب على الشاشة والمقصود بيه الرقم التسلسلي نفس الرقم المكتوب فى علبة الهاتف يبقا مفيش قطع اتبدلت أو اتجمع أو مفيش أى لعب فيه ، ولكن لو اختلف الأرقام فالموبايل اتجمع أو البوردة متغيرة ، وفيه كود تانى بيعمل ضبط للمصنع ( *#*#7780#*#* ) ولكن احذر من استخدام هذا الكود لا تستخدمه إلا إذا قررت شراء موبايل مستعمل فعليا وعايز تمسح كل بيانات البائع .
بالنسبة لهواتف الأيفون فلا يتم يعتمد على الأكواد بقدر ما على الإعدادات فيمكنك بالذهاب إلى الإعدادات ثم البطارية ثم حالة البطارية لمعرفة حالة البطارية وإذا كانت أقل من 80% فالموبايل لازم حتما هيتغير البطارية ، ويجب عليك التحقق من القطع الأصلية فى إصدارت iOS الحديثة لو حدث أى تغيير فى الشاشة أو البطارية بقطع مش أصلية سيظهر تنبيه فى الإعدادات ثم عام ثم حول الهاتف ويسمى Unknown Part .
تأكد قبل أن تفعل الأكواد أن نسبة البطارية لا تقل 15% لتجنب أى مشاكل نهائيا على الهاتف لأنه تحدث بعض المشاكل ليست كبيرة لكن ممكن تعمل شلل للموبايل .
تنبيه: بعض الأكواد قد لا تعمل على بعض الإصدارات القديمة أو الموجهة لأسواق معينة، لكنها تعمل على 90% من الهواتف الحديثة.
وفى هذا النهاية شراء موبايل مستعمل هو زى المغامرة المحسوبة ، وخليك دائما أنك بلاش تستعجل خذ وقتك فى فحص الموبايل أمام البائع ولو حسيت بأى ارتياب أو خوف أو أى مشكلة تجاه الموبايل أو البائع أحسنلك بلاش تشترى الموبايل ، واتمنى أن اكون قدرت اساعدك فى الحصول على أفضل قيمة مقابل سعر ممتاز قبل شراء موبايل مستعمل .
