سامسونج أعلنت عن موبايلها الجديد الـ Samsung Galaxy S25 FE، وده وحش جديد في فئة “الفلاج شيب كيلر” عشان ييجي بمواصفات جبارة وخامات راقية جدًا. الموبايل ضهره إزاز بفريم ألومنيوم، مع معالج فلاج شيب من نوع Exynos 2400، وبيدعم كل حركات الذكاء الاصطناعي الجديدة. الشاشة بتاعته حوافها قليلة وسطوعها عالمي، والكاميرات كالعادة قوية وبتصور فيديو 8K. زودوا كمان البطارية وخلوها 4900 مللي أمبير وشحن أسرع 45 وات. فيلا بينا نشوف المواصفات الكاملة للموبايل ده وهل فعلًا هيقدم تجربة تستاهل ولا لأ.
شاشة Samsung Galaxy S25 FE
شاشة الموبايل ده حكاية، جاية مسطحة وفيها ثقب صغير في النص للسيلفي. نوعها Dynamic AMOLED 2X ومساحتها 6.7 بوصة، والدقة بتاعتها FHD+ يعني 1080×2340 بكسل، وكثافة بكسلات 385 بكسل لكل بوصة. الشاشة دي بتدعم كمان خاصية الـ HDR10+ ومعدل تحديث 120Hz عشان تبقى سريعة وسلسة في الحركة. السطوع بتاعها بيوصل لـ 1900 شمعة، وعليها طبقة حماية من نوع Corning Gorilla Glass Victus Plus عشان تستحمل الخرابيش والصدمات.
كاميرا Samsung Galaxy S25 FE
بالنسبة للكاميرات، فإحنا بنتكلم في مستوى تاني:
- الكاميرا الأمامية (السيلفي): بتيجي بدقة 12 ميجا بكسل وبفتحة عدسة F/2.2.
- الكاميرا الخلفية: ثلاثية، والأساسية فيهم بدقة 50 ميجا بكسل بفتحة عدسة F/1.8 وبتدعم المثبت البصري (OIS) عشان الصور تطلع ثابتة ومفهاش هزة. الكاميرا التانية للزوم (التقريب) بدقة 8 ميجا بكسل بفتحة عدسة F/2.4 وبتدعم تقريب بصري لحد 3 أضعاف من غير ما الجودة تقل، وفيها برضه مثبت بصري (OIS). أما الكاميرا التالتة فدي للتصوير الواسع (Ultra Wide) وبتيجي بدقة 12 ميجا بكسل بفتحة عدسة F/2.2. ومعاهم فلاش ليد أحادي.
أما تصوير الفيديو، فالموبايل ده بيصور بجودة 8K بمعدل 30 فريم في الثانية، وجودة 4K بمعدل 30 و60 و120 فريم في الثانية، وجودة FHD بمعدل 30 و60 و120 و240 فريم في الثانية.
المعالج
الموبايل ده بييجي بمعالج قوي جدًا وهو Exynos 2400 بعشر أنوية وبتكنولوجيا 4 نانو، مع معالج رسومي من نوع Xclipse 940. المعالج ده هو هو اللي موجود في أخوه الكبير الـ Samsung Galaxy S24 Plus، بس هنا معاه غرفة تبريد أكبر عشان الموبايل ما يسخنش منك وانت بتلعب أو بتستخدمه كتير.
مواصفات Samsung Galaxy S25 FE
- الرامات والمساحة: الموبايل ليه إصدارين، الأول 256 جيجا مع 8 جيجا رام، والتاني 512 جيجا مع 8 جيجا رام. وللأسف مش هينفع تركب كارت ميموري.
- خامات وتصميم: ضهر الموبايل من الإزاز عليه حماية Corning Gorilla Glass Victus Plus مع فريم ألومنيوم زي اللي في الـ S25 Plus. أبعاده 161.3×76.6×7.4 ملم ووزنه 190 جرام.
- مقاومة مياه وغبار: الموبايل مقاوم للمياه والغبار بشهادة IP68، يعني يقدر يستحمل تحت المياه لعمق متر ونص لمدة 30 دقيقة.
- الشبكات والشرائح: بيدعم شبكات لحد الجيل الخامس 5G، وبيدعم شريحة Nano SIM وكمان الشريحة الإلكترونية الـ eSIM.
- الصوت: السماعات الخارجية صوتها ستيريو عشان تاخد تجربة صوتية مجسمة ومميزة، وفيه ميكروفون إضافي لعزل الدوشة.
- الاتصال: فيه واي فاي بيدعم ترددات a/b/g/n/ac/6e و tri-band، والبلوتوث إصدار 5.4. وطبعًا فيه خاصية الـ NFC.
- الأمان: مستشعر البصمة مدمج في الشاشة، وكمان فيه خاصية الـ Face Unlock عشان تفتح الموبايل بوشك.
- البطارية والشحن: البطارية حجمها 4900 مللي أمبير، وبتدعم الشحن السريع بقوة 45 وات، والشحن اللاسلكي بقوة 15 وات، وكمان الشحن اللاسلكي العكسي.
- منفذ الشحن: من نوع Type C 3.2 وبيدعم خاصية الـ OTG.
- نظام التشغيل: بييجي بأندرويد 16 مع واجهة سامسونج الجديدة One UI 8.
- المستشعرات: فيه معظم المستشعرات زي التسارع والقرب والبوصلة والجيروسكوب.
- الألوان: الموبايل متوفر باللون الأزرق، اللبني، الأبيض، والأسود.
المميزات
- خامات فلاج شيب محترمة جدًا، ضهر إزاز وفريم ألومنيوم قوي، ومقاوم للمياه بشهادة IP68.
- شاشة ممتازة من حيث الألوان والسطوع وحوافها قليلة.
- معالج Exynos 2400 بيقدم أداء جبار في فئته، ومعاه تبريد أحسن عشان الحرارة.
- كاميرات كالعادة ممتازة وبتصور فيديوهات لحد جودة الـ 8K.
- بطارية أكبر من الجيل اللي فات وشحنها أسرع (45 وات).
- صوت السماعات الاستيريو عالي ونقي.
- بيدعم كل مميزات الذكاء الاصطناعي اللي موجودة في موبايلات سامسونج الرائدة.
- جايلك بأحدث سوفت وير One UI 8 مع وعد بتحديثات أندرويد لمدة 7 سنين، وكمان بيدعم Samsung Dex.
العيوب
- كالعادة، راس الشاحن مش بتيجي في العلبة.
- مفيهوش منفذ الـ 3.5 ملم بتاع سماعات الأذن.
- الرامات 8 جيجا بس، ومفيش نسخة 12 جيجا رام.
- ملحوظة: الموبايل يعتبر تطوير كبير عن الـ S24 FE في كل حاجة تقريبًا: معالج أقوى، تبريد أحسن، بطارية أكبر، شحن أسرع، كاميرا سيلفي أفضل، وزن أقل، وحواف شاشة أقل.
مراجعة سريعة للموبايل
من الآخر كده، موبايل Samsung Galaxy S25 FE ده صفقة حلوة جدًا للي عايز جهاز بمواصفات قريبة من الفلاج شيب بس بسعر أقل. سامسونج مطورة كل حاجة تقريبًا عن الإصدار اللي فات، من أول المعالج اللي بقى أسرع بكتير والتبريد الأحسن، لحد البطارية اللي كبرت والشحن اللي بقى صاروخي. الشاشة بتاعته تحفة وألوانها تجنن، والكاميرات زي ما إحنا متعودين من سامسونج أداءها ممتاز بالذات مع دعم تصوير الـ 8K. لو بتدور على موبايل يعيش معاك ويعتمد عليه في كل حاجة من أول الألعاب التقيلة لحد التصوير الاحترافي، فده هيكون اختيار ممتاز ليك.
محتويات العلبة
- موبايل Samsung Galaxy S25 FE.
- سلك USB من نوع Type C.
- دبوس معدني عشان تطلع الشريحة.
- كتيب التعليمات ودليل الاستخدام.
فى مصر سيتم إطلاقه خلال أيام قليلة .
