شركة فيفو أعلنت عن موبايلها الاقتصادي الجديد، الـ Vivo Y19s Pro، واللي بيركز بشكل أساسي على تقديم تجربة متكاملة للمستخدم العادي بسعر كويس. أهم مميزاته هي البطارية العملاقة 6000 مللي أمبير اللي بتيجي معاها شاحن سريع 44 وات في العلبة، وشاشة كبيرة بتردد 90Hz، وكاميرا خلفية 50 ميجا بكسل، مع صوت ستريو عالي ومجسم. يلا بينا نشوف كل تفاصيل الموبايل ومميزاته وعيوبه.
البطارية والشحن (ميزة أساسية)
دي أهم وأقوى نقطة في الموبايل ده. بييجي ببطارية عملاقة بسعة 6000 مللي أمبير، يعني هتنسى الشاحن بتاعك وهتكمل معاك اليوم كله وأكتر كمان من غير قلق. والأحلى من كده إنها بتدعم الشحن السريع بقوة 44 وات والشاحن بييجي معاه في العلبة، فتقدر تشحن البطارية الضخمة دي في وقت قليل، وكمان بتدعم الشحن العكسي عشان لو حبيت تشحن بيه أي جهاز تاني.
شاشة Vivo Y19s Pro
شاشة الموبايل ليها مميزات وعيوب. المميزات إنها كبيرة 6.68 بوصة، وسريعة بمعدل تحديث 90 هيرتز، وده بيخلي الحركة والتصفح عليها سلس. سطوع الشاشة عالي جدًا وبيوصل لـ 1000 شمعة، وده هيخليك تشوفها بوضوح تام حتى تحت الشمس المباشرة. لكن العيوب إن دقتها منخفضة HD+ بس، وحواف الشاشة لسه كبيرة شوية، خصوصًا الحافة اللي تحت.
المعالج والأداء
الموبايل بيشتغل بمعالج اقتصادي وهو Unisoc Tiger T612 بتكنولوجيا 12 نانو. الأداء بتاعه مناسب للمهام اليومية الخفيفة زي المكالمات والسوشيال ميديا والواتساب والفيديوهات. لكن طبعًا المعالج ده مش مخصص للألعاب التقيلة خالص. الموبايل بيتوفر بنسختين، 128 جيجا أو 256 جيجا، والاتنين معاهم 6 جيجا رام.
الكاميرات فى Vivo Y19s Pro
الكاميرات هنا أداءها اقتصادي ومتواضع، وبتقضي الغرض في الإضاءة الكويسة:
- الكاميرا الخلفية: بدقة 50 ميجا بكسل بفتحة عدسة F/1.8، وبتعتبر مقبولة جدًا في الفئة السعرية دي، ومعاها فلاش حلقي شكله مميز.
- الكاميرا الأمامية (السيلفي): بدقة 5 ميجا بكسل بفتحة عدسة F/2.2.
- تصوير الفيديو: آخره يصور فيديوهات بجودة FHD بدقة 1080p.
باقي المواصفات فى Vivo Y19s Pro
- التصميم والخامات: الموبايل كله مصنوع من البلاستيك، لكن تصميمه شيك ومقاوم للصدمات الخفيفة ورذاذ المياه بمعيار IP64.
- الصوت: دي من مميزاته الكبيرة، السماعات الخارجية صوتها ستيريو وعالي، والخبر الأحلى إن الموبايل فيه منفذ سماعات 3.5 ملم.
- الذاكرة: بيدعم تركيب كارت ميموري في مكان منفصل جنب الشريحتين، ودي ميزة ممتازة.
- الأمان: البصمة موجودة على زرار الباور الجانبي، وبيدعم الفتح عن طريق الوجه.
- نظام التشغيل: بييجي بأندرويد 15 مع واجهة فيفو Funtouch 15.
- الألوان: متوفر باللون الفضي والأسود والأزرق.
المميزات
- بطارية جبارة 6000 مللي أمبير هتدوم معاك وقت طويل جدًا.
- شحن سريع 44 وات والشاحن موجود في العلبة.
- صوت ستيريو عالي ومجسم، ودي ميزة نادرة في الفئة دي.
- شاشةكبيرة وسريعة 90 هيرتز وسطوعها ممتاز تحت الشمس.
- الكاميرا الخلفية الـ 50 ميجا بكسل بتقدم أداء مقبول على السعر ده.
- بيدعم تركيب شريحتين وكارت ميموري في نفس الوقت.
- تصميم شيك ومقاوم للصدمات الخفيفة.
العيوب
- دقة الشاشةمنخفضة (HD+) وحوافها كبيرة.
- المعالج أداءهاقتصادي بحت، ومش مناسب لأي ضغط أو ألعاب تقيلة.
- مش بيدعم خاصية الـNFC.
- يعتبر تطويربسيطعن الإصدار اللي قبله (Vivo Y19s).
محتويات العلبة
- هاتف Vivo Y19s Pro وعليه اسكرينة.
- راس الشاحن بقوة 44 وات.
- جراب شفاف لحماية الضهر.
- سلك USB من نوع Type C.
- دبوس معدني.
- كتيب التعليمات.
مراجعة سريعة للموبايل
من الآخر، موبايل Vivo Y19s Pro بيقدم خلطة ممتازة للفئة الاقتصادية. هو مش بتاع ألعاب ولا بتاع تصوير احترافي. الموبايل ده معمول للمستخدم اللي عايز جهاز يعتمد عليه في الحاجات الأساسية ويديله قيمة مقابل سعر. أقوى مميزاته هي البطارية العملاقة اللي مش هتخذلك أبدًا، ومعاها شاحن سريع في العلبة، وصوت ستيريو عشان تجربة الفيديوهات تكون ممتعة. لو دي أولوياتك، ومش فارق معاك أوي دقة الشاشة أو الأداء الخارق في الألعاب، فالموبايل ده هيكون صفقة ممتازة ليك.
السعر
- في مصر (ضمان محلي):
- نسخة 128 جيجا مع 6 جيجا رام بسعر حوالي 6,890 جنيه.
- نسخة 256 جيجا مع 6 جيجا رام بسعر حوالي 7,590 جنيه.
